လုပ်ငန်း နယ်ပယ်တိုင်းမှာ ခေါင်းဆောင်ကောင်းတွေ ရှိနေခြင်းက အရေးပါတဲ့ အောင်မြင်ရေး သင်္ကေတတစ်ရပ် ဖြစ်ပါတယ်။ ခေါင်းဆောင်ကောင်း ဆိုတာက တိတိကျကျ ညွှန်ကြား ခိုင်းစေနိုင်မှုအပြင် လက်အောက်ငယ်သားတွေကို စိတ်ဓာတ်ရေးရာ အမြင့်ဆုံး ဆွဲတင်ပြီး ဦးဆောင်နိုင်တဲ့ အရည်အသွေးမျိုး ပိုင်ဆိုင်သူတွေကို ဆိုလိုတာ ဖြစ်ပါတယ်။ ထက်မြက်တဲ့ ခေါင်းဆောင်မှု အောက်မှာ ရှိနေတဲ့ လုပ်ငန်းတိုင်းဟာ သာမန်ထက် ပိုတိုးတက်၊ ပိုအောင်မြင်လာတာ ဓမ္မတာပါပဲ။

ခေါင်းဆောင်ကောင်း တစ်ယောက်ဖြစ်ဖို့က ပင်ကို အရည်အသွေး အခြေခံအပြင် သင်ယူ အားဖြည့်မှုတွေ၊ စိတ်ဓာတ် ခံယူချက်တွေပါ လိုက်လျောညီထွေ ပေါင်းစပ်ဖို့ လိုပါတယ်။ Forbes မဂ္ဂဇင်းကတော့ ခေါင်းဆောင်ကောင်း တစ်ယောက်ဖြစ်အောင် အခြေခံ အကျဆုံး ဖြည့်ဆည်းထားသင့်တဲ့ ပင်ကို အရည်အချင်း ၁၀ မျိုးကို ခုလို အကြံပြု ဖော်ပြထားပါတယ်။

၁။ ရိုးသားမှု
အသင်းအဖွဲ့ တစ်ခုကို ဦးဆောင်မယ့် ပုဂ္ဂိုလ်ဟာ ကိုယ့်နောက်လိုက် အင်အားစုရဲ့ အကြွင်းမဲ့ ယုံကြည်မှုကို ရနေဖို့ အရမ်းအရေးကြီးပါတယ်။ လူတွေက ရိုးသားဖြောင့်မတ်သူကိုပဲ ယုံကြည်ပါတယ်။ ဒါကြောင့် ခေါင်းဆောင်ကောင်း တစ်ယောက် ဖြစ်ချင်ရင် အရင်ဆုံး ရိုးသားလိုက်ပါ။

၂။ ခွဲဝေမှု
အသင်းအဖွဲ့ တစ်ခုရဲ့ အောင်မြင်မှုဟာ အဖွဲ့ဝင်တွေကြား ဟန်ချက်ညီညီ လှုပ်ရှားနိုင်စွမ်းနဲ့ တိုက်ရိုက် ပတ်သက်နေပါတယ်။ ခေါင်းဆောင်ကောင်း တစ်ယောက်ဟာ လက်အောက် ဝန်ထမ်းတွေကို မျှတပြီး အသင့်တော်ဆုံး ဖြစ်နေမယ့် လုပ်ငန်းတာဝန်တွေ ခွဲဝေပေးနိုင်ဖို့ လိုပါတယ်။ ဒါမှသာ အဖွဲ့တစ်ခုလုံးရဲ့ စုပေါင်း ဆောင်ရွက်နိုင်စွမ်းက ရလဒ် အကောင်းဆုံး ထွက်ပေါ်လာမှာပါ။ အလုပ်တာဝန် ပါးပါးနပ်နပ် ခွဲဝေပေးခြင်းဟာ ခေါင်းဆောင်မှု ကဏ္ဍမှာ သိပ်အရေးကြီးတဲ့ လိုအပ်ချက် တစ်ရပ်လို့ ဆိုရမှာ ဖြစ်ပါတယ်။

၃။ ပေါင်းသင်းဆက်ဆံရေး
ဒီအချက်ကတော့ ခေါင်းဆောင်တစ်ယောက် အတွက်ရော၊ ခေါင်းဆောင် မဟုတ်သူတွေ အတွက်ပါ လိုအပ်တဲ့ အရည်အသွေးပါ။ နှုတ်ချို သျှိုတစ်ပါးဆိုတဲ့ စကားပုံလည်း ရှိပါတယ်။ အလုပ်တာဝန်တွေကို ကြပ်မတ် ခွဲဝေရာမှာ၊ အလုပ်ကိစ္စ ဆွေးနွေး ညှိနှိုင်းရာမှာ အပြောချိုသာပြီး ပေါင်းသင်းဆက်ဆံရေး ကောင်းမွန်မှုက တကယ့်ကို အထောက်အပံ့ကောင်းတွေ ဖြစ်စေမှာပါ။

၎။ ကိုယ့်ကိုယ်ကိုယ်ယုံကြည်မှု
ကိုယ်ပိုင် အရည်အသွေး၊ ကိုယ်စွမ်းကိုယ်စ အားလုံးကို ယုံကြည်မှု မြင့်မြင့်မားမား ရှိနေဖို့ လိုပါတယ်။ ကိုယ်က သူတစ်ပါးကို ခေါင်းဆောင်ရမယ့် အခြေအနေမှာ ကိုယ့်ကိုယ်ကိုယ် ယုံကြည်မှု အမြင့်ဆုံး ဖြစ်မနေရင် သူတစ်ပါးအပေါ် ဘယ်လို ဦးဆောင်မှာတဲ့လဲ။ ကိုယ့်ကိုယ်ကိုယ် ယုံကြည်မှု မြင့်မားနေဖို့ ဆိုတာကလည်း ကိုယ်တိုင်ကိုယ်ကျ အရည်အသွေး အမြင့်ဆုံး ဖြစ်နေအောင် ဖြည့်ဆည်းထားဖို့တော့ လိုပါတယ်။

၅။ အကောင်းမြင်မှု
ဘယ်အချိန်မှာမဆို မျှော်လင့်မထားတဲ့ အခြေအနေဆိုးတွေ ကြုံလာနိုင်ပါတယ်။ အဲဒီအခါမှာ ကိုယ့်လက်အောက်ခံ ဝန်ထမ်းတွေက ကိုယ့်ကို အားကိုးတကြီးနဲ့ မော်ကြည့်လာမှာပါပဲ။ ကိုယ်တိုင်က အခြေအနေတိုင်းကို အဆိုးမြင်ပြီး စိတ်ဓာတ်ကျနေရင် ကျန်တဲ့သူတွေကို ဆွဲတင်ဖို့ ဘယ်လိုမှ မဖြစ်နိုင်တော့ပါဘူး။ ဒါကြောင့် အခြေအနေ ဆိုးတွေမှာတောင် အကောင်းမြင်စိတ်ထားပြီး အားလုံးကို နှိုးဆော် ကူညီနိုင်တဲ့သူမျိုး ဖြစ်လာအောင် ခံယူကျင့်ကြံထားရပါမယ်။

၆။ ဖန်တီးမှုစွမ်းရည်
တချို့ကိစ္စတွေမှာ ဘာလုပ်သင့်တယ်၊ ဘယ်အတိုင်း လုပ်ရမယ် ဆိုတာမျိုး တိတိကျကျ ဆုံးဖြတ်လို့ မရနိုင်ပါဘူး။ ဒီအခါမှာ ပုံစံသစ်တွေ ဖန်တီးတွေးတောပြီး အခြေအနေကို ချဉ်းကပ် ပြောင်းလဲရတာတွေ ရှိပါတယ်။ ကိုယ်ဦးဆောင်တဲ့ အဖွဲ့အစည်း၊ အသိုက်အဝန်းရဲ့ ကောင်းကျိုး အဖြစ်ထွန်းနိုင်ဆုံး ကိစ္စတွေကို ဖန်တီးတွေးတောနေခြင်းက ခေါင်းဆောင်ကောင်း တစ်ယောက်ရဲ့ တာဝန်ပါ။ ဒါကြောင့် ဒီလို ဖန်တီးမှုမျိုးတွေကို တွေးတော ကြံဆနိုင်တဲ့ စိတ်ကူးမျိုး မဖြစ်မနေ ရှိနေသင့်ပါတယ်။

၇။ စေ့ဆော်မှု
ခေါင်းဆောင်တစ်ယောက်ဟာ ပင်လယ်ပြင်မှာ ခရီးသွားနေတဲ့ လှေတစ်စီးရဲ့ မာလိန်မှူးနဲ့ တူပါတယ်။ ကိုယ့်ရဲ့ ကျွမ်းကျင်မှု၊ အရည်အချင်းတွေက အဖွဲ့အစည်းရဲ့ လားရာကို အပြောင်းအလဲတွေ ဖြစ်သွားစေနိုင်တာကြောင့်ပါ။ ဒီတော့ ဖြစ်နိုင်ခြေတွေ၊ ဖြစ်တန်ခြေတွေ၊ သက်ရောက်နိုင်ခြေတွေကို ပင်ကိုအသိက စေ့ဆော် နားလည်နေတာမျိုး လိုအပ်ပါတယ်။ ဒီအလေ့အထက ကိုယ်တိုင် လေ့ကျင့်ယူဖို့တော့ ခက်နိုင်ပါတယ်။ အတွေ့အကြုံနဲ့ ကြိုတင် ဆန်းစစ်နိုင်စွမ်းတွေ ပေါင်းစပ်ပြီး ဖြစ်တည်လာမယ့် အရည်အသွေး တစ်ခုဆိုရင် ပိုမှန်နိုင်တယ်။

၈။ လွှမ်းမိုးနိုင်မှု
ကိုယ့်အပေါ် လက်အောက်ငယ်သားတွေက ချစ်ကြောက်ရိုသေ နေတာမျိုး ဖြစ်ရပါမယ်။ သူငယ်ချင်းလို ခင်ခင်မင်မင် ပေါင်းသင်းနေတဲ့တိုင် စည်းကမ်းနဲ့ ပတ်သက်ရင် အာဏာရှင် တစ်ယောက်လို ပြတ်သား တိကျတယ် ဆိုတာမျိုးကို ချော့တစ်လှည့်၊ ခြောက်တစ်လှည့် ပြထားတာမျိုး ကျင့်သုံးသင့်ပါတယ်။ ကိုယ့်လက်အောက်က ဝန်ထမ်းတွေအပေါ် ဩဇာမညောင်းရင် ဘယ်လိုမှ အဲဒီအဖွဲ့အစည်းကို ဦးဆောင်နိုင်မှာ မဟုတ်တော့ပါဘူး။

၉။ တည်ကြည်မှု
ပျော်ပျော် နေတတ်တာနဲ့ ပေါ့ပေါ့ဆဆ နေတတ်တာ မတူပါဘူး။ လူပျော်တစ်ယောက် ဖြစ်နေတဲ့တိုင် လိုအပ်လာတဲ့ အခြေအနေမှာ လေးနက် တည်ကြည်မှု ရှိနေပြီး စကားကိုလည်း ဆိုခဲစေ၊ မြဲစေ ပြောတတ်မှသာ လူတွေရဲ့ ယုံကြည် အားကိုးမှုကို ခံနိုင်မှာပါ။ တည်ကြည်ခြင်း ဆိုတာဟာ ခပ်တည်တည်ကြီး နေဖို့ပြောတာ မဟုတ်ဘဲ ကို်ယ်ပိုင် ဆုံးဖြတ်ချက်တွေ၊ ခံယူချက်တွေ၊ ကတိကဝတ်တွေ အပေါ်မှာ တန်ဖိုးထားမှု မြင့်မြင့်မားမား ထားရှိခြင်းကို ဆိုလိုပါတယ်။ ဒါမှသာ ကိုယ့်လက်အောက် ဝန်ထမ်းတွေကလည်း ကိုယ့်အပေါ် ပိုပြီး လေးစားလာပါလိမ့်မယ်။

၁၀။ ချဉ်းကပ်ပုံ
လူတိုင်း တစ်ပုံစံတည်း ရှိနေတာ မဟုတ်ပါဘူး။ လူအမျိုးမျိုး၊ စိတ်အထွေထွေပါ။ ဒီတော့ လုပ်ငန်းတာဝန် ပြီးမြောက် အောင်မြင်စေဖို့အတွက် သင့်တော်သူတွေကို ကွဲပြားတဲ့ ပုံစံတွေနဲ့ ချဉ်းကပ်ဖို့ လိုပါတယ်။ ညှိနှိုင်းယူရတာ၊ ဩဇာပေးရတာ၊ တိုက်တွန်းရတာ စသဖြင့် ပုံစံအမျိုးမျိုး အကြောင်းအရာ အမျိုးမျိုး ရှိပါလိမ့်မယ်။ ဘယ်သူ့ကို ဘယ်လိုပုံစံနဲ့ ချဉ်းကပ်ရမလဲ ဆိုတာကို အကောင်းဆုံး သရုပ်ခွဲနိုင်ခြင်းကလည်း အဖွဲ့အစည်း တစ်ခုကို ထက်ထက်မြက်မြက် ဦးဆောင်ချိန်မှာ အရေးကြီးတဲ့ လိုအပ်ချက် အရည်အသွေး တစ်ခုပါပဲ။